Velkomin á vefsíðu Dýrahjálpar Íslands!
Dýrahjálp Íslands er félag sjálfboðaliða sem leitast við að sjá dýrum sem þarfnast heimilis fyrir skjóli og stofna til þess dýraathvarf.
Frá stofnun félagsins í maí 2008 hefur Dýrahjálp Íslands aðstoðað alls 8,106 dýr í heimilisleit.
Hvernig get ég hjálpað?
Getur þú séð dýri í neyð fyrir fósturheimili þar til framtíðarheimili finnst? / Can you foster an animal while it awaits its foreverhome?
Sum dýr þurfa nauðsynlega að finna heimili með skömmum fyrirvara og því getur reynst nauðsynlegt að koma því fyrir á fósturheimili þar til finnst varanleg lausn fyrir dýrið.
Some animals need to find a home with a very short notice and are there for placed in our fosterhome program until a permanent home is found.
Sjálfboðastarf
Bak við hvert dýr sem fær nýtt heimili er hópur sjálfboðaliða sem gaf tíma sinn. Sjálfboðaliðar eru grunnurinn í starfi okkar og án þeirra gætum við ekki hjálpað dýrum í neyð. Við erum félag sem býður upp á fósturheimilaþjónustu fyrir dýr í neyð sem þurfa að finna nýtt heimili, sem þýðir að hvert dýr fær að vera hluti af fósturfjölskyldu og inni á heimili á meðan leitað er eftir framtíðarheimili. Hverju dýri er úthlutað umsjónaraðila sem er tengiliður hvers fósturheimilis og ber sá aðili ábyrgð á því að okkar verklagi sé fylgt eftir, allir samningar séu undirritaðir og að útvega fósturdýrinu þeim nauðsynjum sem á þarf að halda svo því líði vel í dvöl sinni á fósturheimilinu. Allir umsjónaraðilar eru sjálfboðaliðar. Sjálfboðaliðar koma einnig að starfinu á fjölbreyttan hátt, til dæmis með þátttöku í fjáröflunum, samfélagsmiðlum, kynningum, útréttingum og ýmsum öðrum verkefnum sem eru nauðsynleg til að halda starfseminni gangandi og gera okkur kleift að halda áfram að aðstoða dýr í neyð. Eftir skráningu bjóðum við þér á nýliðakynningu og spjall þar sem við förum yfir starfsemina, verklag og ræðum hvaða hlutverk hentar þér best.
Styrkja starfsemina
Dýrahjálp Íslands notar alla styrki til að hjálpa dýrum að finna ný heimili, gelda dýr sem þess þurfa, dýralæknakostnað og annað tengt markmiðum félagsins.
Vörur Dýrahjálpar
Til fjármögnunar á starfssemi Dýrahjálpar höfum við til sölu m.a. jólakort, póstkort og dagatal þar sem má finna fallegar myndir af nokkrum dýrunum sem hafa fengið tímabundið heimili á yndislegu fósturheimilunum okkar.
Gerast meðlimur
Með því að gerast meðlimur þá gengur þú í lið með okkur og segir að þörf sé á dýraathvarfi á Íslandi sem geti tekið við þeim dýrum sem þarfnast nýs heimilis.
Áttu dýradót/fóður sem getur nýst Dýrahjálp Íslands?
Dýrahjálp Íslands tekur alltaf við gjöfum frá einstaklingum og fyrirtækjum í formi dýradóts eða fóðurs sem verður nýtt fyrir fósturdýrin okkar.